2024-nji ýylyň 27-30 awgusty aralygynda Birleşen Milletler Guramasynyň Ilat gaznasynyň (UNFPA) Türkmenistandaky wekilhanasy, Aşgabat şäheriniň we welaýatlaryň kazyýet-lukmançylyk edaralarynyň işgärleriniň hem-de hukuk goraýjy edaralarynyň hünär bilimlerini ýokarlandyrmak boýunça okuw maslahatyny gurnady. Bu çäre Beýik Britaniýanyň Integrated Security Fund (ISF) fondynyň goldawy bilen geçirilip, zorluga garşy jogap çäreler ulgamynyň kämilleşdirilmegine hem goşant goşar. 

UNFPA-nyň halkara hünärmeni doktor Naim Zişan (Päkistan) okuw maslahatyna gatnaşyjylary şahyslara lukmançylyk güwä geçilmesiniň esasy ýörelgeleri, kazyýet-lukmançylyk ulgamyndaky halkara öňdebaryjy tejribeler, zorlukdan ejir çekenler bilen işlemegiň etiki taraplary, kriminalistika ulgamyndaky derňewler, şeýle-de subutnamalary ýygnamagyň we derňemegiň täze usullary bilen tanyşdyrdy. 

Okuw maslahatyna gatnaşyjylar, hünär işlerine oňyn täsir etjek we berilýän hyzmatlaryň hilini ýokarlandyrmaga kömek etjek maglumatlar bilen tanyşdylar. UNFPA zenanlar babatda zorluga garşy çäre görmek we adam hukuklaryny goramak ulgamyny pugtalandyrmak boýunça Türkmenistana yzygiderli hemme taraplaýyn goldaw bermäge dowam edýär. 

*** 

Doktor Naim Zişan gender inklýuziwlylygy, maşgalada we zenanlar babatda zorluk meseleleri boýunça baý tejribä eýe. Onda kriminologiýa, gender we jenaýat ugry boýunça magistr, şeýle-de alternatiw lukmançylyk ugry boýunça hem ylymlaryň doktory derejelari bar. Ol hukuk goraýjy edaralarda uzak ýyllaryň dowamynda işläp, okuw meýilnamalaryny düzdi we birnäçe ýurtlarda okuw maslahatlaryny geçirdi. 

Goşmaça maglumat üçin: Kemal Goşlyýew, UNFPA-nyň Türkmenistandaky wekilhanasynyň ýolbaşçysy; goshliyev@unfpa.org; +9931248832