Bütindünýä ilat gününe we UNFPA-nyň “Dünýäniň ilaty” hasabatynyň 2025-nji ýylda çykarylan sanyna (SWOP 2025) bagyşlap, UNFPA-nyň Türkmenistandaky wekilhanasy akwarel eserleriniň bäsleşigini yglan edýär.

Bäsleşigiň temasy: «Maşgala isleg, goldaw bilen başlaýar»

Bäsleşigiň temasy barada: «Maşgala isleg, goldaw bilen başlaýar». Akwarel suratda islenilýän maşgalany döretmek diňe bir öz islegiňe däl-de, eýsem päsgelçilikleriň hem aradan aýrylmagyna baglydygy görkezilmeli. Ykdysady durnuklylygyň, orta mekdep we çagalar bagynyň elýeterliliginiň, gender deňliginiň üpjün edilmeginiň, reproduktiw saglygy babatynda ýokary hilli hyzmatlaryň elýeterli bolmagynyň, hem-de adamlarda geljege bolan ynamyň öz isleglerine görä maşgalany döretmäge nä derejede kömek edýändigi akwarel eserde suratlandyrylmaly.

Bäsleşige gatnaşmagyň şertleri:

• 15 we ondan ýokary ýaşdaky suratkeşler
• Her gatnaşyjy yglan edilen tema bovunca bir (1) asyl nusgada akwarel bilen ýerine ýetirilen işi hödürläp biler.

Başga talaplar:

Işiň arka tarapynda aşakdaky maglumatlary aýdyň ýazmak zerur:

• Awtoryň doly ady we familiýasy
• Doglan senesi
• Telefon belgisi
• Elektron poçta salgysy (eger bar bolsa)

Işlere baha bermek:

Ähli işler ýörite düzülen emin agzalary tarapyndan baha beriler.

Işleri tabşyrmagyň soňky möhleti: 🗓️ 2025-nji ýylyň 30-njy iýuny

Işleri tabşyrmagyň tertibi: Akwarel suraty BMG-nyň Aşgabatdaky binasyna özüňiz ýa-da poçta arkaly şu salgy boýunça tabşyryp bilersiňiz: Arçabil şaýoly, 21. Aşgabat, Türkmenistan, 744036

Goşmaça maglumat üçin şu belgä ýüz tutup bilersiňiz: +99362833158